澳門面臨被中央收緊自由行人數澳门旅游攻略，賭業再次步向冰河時期。

據知早兩個月，6月份濠江賭業收益立時插水，按月跌一成。

　　《爽報》發現，各大賭場為了要搶客求存，都要各出奇謀搞新意思，最新招數是想出打麻雀，麻雀廳成為各賭場兵必爭之地。

本已式微的麻雀館，近年憑藉「跑馬仔」式大陸麻雀玩法翻生，生意變得火旺之餘，更變成澳門賭場新的吸水王牌，大陸豪客於雀麻枱上，隨時一鋪上落數十萬。

　　早在80年代，葡京都曾經一度想開竹館（麻雀館），但最後受到賭場反對，主要是一些廳主認為一鋪麻雀上落起碼花10分鐘才有結果，玩又只有四人，不似大細、百樂般速戰速決，麻雀玩人數少兼抽水慢，所以幾十年來沒有開拓麻雀館市場。

　　然而自從大陸麻雀興起，有關人士改變想法，所謂大陸麻雀，簡而言之就是不計番，大鬥快吃「雞糊」，而且暗槓明槓即刻有錢收，一鋪牌幾分鐘，碼又可以很大。

由於每局時間快，加上澳門賭廳近來生意清淡，於是有廳主把大陸麻雀玩法引入賭廳。

　　麻雀館翻生，主因近年內地自由行不斷推廣，香港的自由行及內地旅客日增，本港麻雀館為迎合他們嗜打麻雀的口味，引入大陸牌，令到原本奄奄一息，幾乎結業收場的多間麻雀館鹹魚翻生，「好似青山道的大三元，原本打算執笠，點知因為大陸碰槓牌翻生，幾個夕陽社團大佬還因此回復風光。

」業內人士向《爽報》透露。

　　澳門賭場眼見香港竹館因為內地客翻生，於是為了吸納內地客，假日娛樂場去年底就率先開設全澳首間碰槓牌賭廳，開設約20張雀麻枱，成功吸納大批自由行客，亦帶旺其他百樂等賭廳，使整體生意額翻生，成為行內一時佳話。

　　賭廳負責人石哥說：「大陸牌唔同廣東牌，碰槓都即時收錢，同時又唔打花，大鬥食雞糊，打一鋪牌比廣東牌快成倍，中間又因碰槓收幾次錢，真係好刺激。

不但多了大陸客，更多了香港人來玩。

」

　　假日賭場的成功，令其他賭場都心郁郁想有樣學樣，加上近月澳門賭業不景氣，及中央對澳門政策有變，更催谷賭場要搶開雀麻廳應戰。

「其實08年都試過一段時期係減少自由行人數，澳門街大半賭場、賭廳都拍晒烏蠅。

今次再面臨收緊自由行人數，澳門賭場?競爭咁激烈，好多場生意備受壓力，一定要諗啲新意思吸引大陸客，大咪打算喺場內開設麻雀賭廳囉。

」廳主石哥透露。